عورت کا نامحرم سے بلا ضرورت بات چیت کرنا درست نہیں قرآن کریم اور احادیث طیبہ سے پتہ چلتا ہے کہ صرف بوقت ضرورت اور بقدر ضرورت بات چیت کی گنجائش ہے ۔مذکورہ صورت میں صرف نسبت طئے ہوئی ہے نکاح نہیں ہوا لہذا ان دونوں کے درمیان میاں بیوی کا رشتہ قائم نہیں ہوا اور لڑکے کا یہ کہنا کہ ا پنی بیگم سے بات کر رہاہوں یا اب باقی کیا رہ گیا ہے ؟شرعاً غلط ہے نیز اگر لڑکے نے قبول کا لفظ اس نیت سے بولا ہے کہ اس سے نکاح ہوجائے تو واضح رہے کہ اس سے شرعاً نکاح منعقد نہیں ہوا کیونکہ ٹیلی فون پر نکاح نہیں ہوتا اور دیگر لوازمات نکاح مثلاً گواہوں اور مہر کا تعین بھی نہیں پایا گیا ۔لہذا لڑکے کا بیوی سمجھ کر اس لڑکی سے بات چیت کرنا درست نہیں ۔اس صورتحال میں بہتر یہی ہے کہ نکاح کرلیا جائے خصوصاً جبکہ نسبت بھی طئے ہوگئی ہے تاکہ تاخیر کی وجہ سے کسی قسم کا گناہ یا شرعی خرابی لازم نہ آئے ۔واللہ اعلم