درس قرآن ڈاٹ کام کی تمام لنکس

گھروں سے لایا ہوا کھانا درست ہے یا نھی؟

سوال:  (A130551)

میں ایک آفس میں کام کرتا ہوں ۔ہم آفس کے کچھ دوست مل کر کھانا کھاتے ہیں اور کھانا اپنے گھروں سے لے کر آ تے ہیں ۔مجھے یہ فکر رہتی ہے کہ پتہ نھی کس کا کھانا حلال کمائی کا ہے اور کس کا حرام کمائی کا ہے۔مجھے تو حلال حرام کی فکر رہتی ہے۔لیکن با قی لوگوں کا مجھے نھی معلوم۔آیا میرے ان کے ساتھ مل کر اپنے گھروں سے لایا ہوا کھانا درست ہے یا نھی؟ (م- ن) لاھور، پاکستان

جواب

اگر آپکے دیگر ساتھیوں کی آمدنی ظاہری طور پر حلال ہے یعنی آپ اور وہ اس آفس میں جائز کام کرتے ہیں تو آپ کیلئے انکے ساتھ کھانا جائز ہے زیادہ وہم اور تحقیق میں پڑنے کی ضرورت نہیں ۔

الکحل والے پرفیوم اور اسپرے استعمال کرنے کا حکم

سوال

ایسی لوشن کریم جنمیں الکحل استعمال ہوتا ہے شرعاً جائز ہے یا نہیں اگر ناجائز ہو تو متبادل بھی بتادیں اسی طرح ونٹر کریم باڈی اسپرے ،باڈی لوشن ،کاسمیٹک اور صابن میں بھی الکحل استعمال ہورہے ہیں شرعاً انکا کیا حکم ہے ؟ (سید فواد مقتدر یو اے ای
 

جواب

اگر تحقیق سے یہ معلوم ہوجائے کہ اس پرفیوم یا اسپرے ،اور صابن وغیرہ میں الکحل استعمال ہوا ہے اور الکحل بھی وہ جو انگور یا کھجور سے کشید کیاگیا ہے تو ایسے پرفیومز اور اسپرے وغیرہ کا استعمال جائز نہیں تاہم اگر یہ تحقیق نہ ہوتو اسکے استعمال کی گنجائش ہے کیونکہ عام طور پربازار میں جو پرفیومز اور اسپرے وغیرہ ملتے ہیں ان میں استعمال ہونے والا الکحل انگور یا کھجور سے کشید نہیں کیا گیاہوتا اسلئے وہ ناپاک نہیں اور انہیں استعمال کرکے نماز ادا کی جاسکتی ہے۔ (تکملہ فتح الملہم)

پیچھے کے مقام سے صحبت کا حکم

سوال

کیا خاوند اپنی بیوی سے صحبت کسی بھی جگہ سے کرسکتا ہے اگر پاخانہ کی جگہ سے کرلیگا تو کیا اسکا نکاح ٹوٹ جائیگا ؟ (سکندر علی لاہور) 

جواب

 شوہر اپنی بیوی سے صحبت صرف فرج یعنی آگے کے مقام سے کرسکتا ہے اس کیلئے کوئی بھی طریقہ اختیارکرنا جائز ہے مگر پاخانہ کے مقام سے صحبت کرنا نا جائز اور حرام ہے اس سے احتراز کرنا لازم ہے۔تاہم اگر کسی نے اسطرح کرلیا تو اس سے وہ گناہ گار ہوا ہے آئیندہ کیلئے اس سے توبہ کرنالازم ہوگا مگر اس سے اسکے نکاح پر کوئی اثر نہیں پڑیگا ۔ 

بازار میں بکنے والی کاسمیٹک اشیاء کا حکم

سوال

 کاسمیٹک جائز ہیں یا نہیں ؟بازار میں کون کون سے کاسمیٹک حلال ہیں اور کونسے حرام ہیں ؟لپ اسٹک جو سعودیہ عرب میں فروخت ہورہے ہیں چائنا اور دیگر غیر مسلم ممالک سے بنے ہوئے آتے ہیں وہ جائز ہیں یا نہیں ؟(عائشہ اعجاز کراچی)

جواب

اگر ان کاسمیٹک میں کوئی حرام چیز شامل نہ ہو تو انکا استعمال جائز ہے اور اگرحرام چیز شامل ہو مگرا سکی حقیقت اور ماہیت کسی کیمیاوی عمل کے ذریعہ بدل چکی ہو تو بھی اسکا استعمال جائز ہے۔بازار میں ملنے والی کاسمیٹک اشیاء میں جب تک کسی حرام چیز کے شامل ہونے کا یقین یا ظن غالب نہ ہو اس وقت تک اسکے استعمال کی گنجائش ہے ۔واللہ اعلم 

مشت زنی کا حکم

سوال

اسلام میں مشت زنی کا کیا حکم ہے کیا یہ نقصان دہ چیز ہے ؟(فراز شمیم کراچی )
 

جواب

 مشت زنی شرعی اعتبار سے گناہ اور ناجائز اور طبی اعتبار سے نقصان دہ ہے لہذا عام حالات میںاس سے احتراز کرنا لازم ہے ۔وفی ردالمحتارکتاب الحدود ج۴ ص ۲۷ قولہ الاستمناء حرام ای بالکف اذا کان لاستجلاب الشہوۃاما اذا غلبت الشہوۃ ولیس لہ زوجۃ ولا امۃ ففعل ذلک لتسکینھا فالرجاء انہ لا وبال علیہ کما قالہ ابو اللیث ویجب لو خاف الزنا واللہ اعلم